كشفت الفنانة الشابة ملك زاهر تفاصيل مرضها الذي جعلها حديث السوشيال ميديا وأثار قلق جمهورها عليها الأيام الماضية بعد نقلها إلى المستشفى وعدم الكشف عن تطورات حالتها الصحية، كما طمأنت ملك زاهر الجمهور عليها معلنة خروجها من المستشفى وأن حالتها أصبحت مستقرة.

تفاصيل مرض ملك زاهر بعد خروجها من المستشفى 

نشرت ملك زاهر عبر حسابها الرسمي على موقع تبادل الصور والفيديوهات انستجرام معلنة تفاصيل مرضها بعد ازدياد تساؤلات الجمهور، وقالت وفقًا لما يرصده موقع تحيا مصر: “أنا واللِه ما كنت متوقعة كل اللي حاصل ده أنا لما حبيت أشارك حالتي الصحية، كنت مخضوضة جدًا على نفسي وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري”.

وتابعت: “عندي يقين في ربنا أنه هايقومني بالسلامة، وإن شاء الله تبقى حاجة بسيطة بس من خضتي كتبت مع أن ديه مش طبيعتي إني أشارك الحاجات السلبية عموما أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا أسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي”.

ملك زاهر: مبسوطة إني عرفت غلاوتي عندكم

وأضافت ملك زاهر: “أنا الحمد لله بقيت أحسن من الأول وبطلت أروح المستشفى الحمد لله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية، وخضتنا بس برضو أنا كويسة والحمد لله إنها جت على قد كده أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة فالدم الموضوع critical، بس أنا مطمنة أنا بخف وبتحسن كل يوم الحمد لله والشكر الله ومافيش حاجة خطيرة بإذن الله وأنا أسفة لو كنت قلقتكم بس ده مكانش الغرض أبدا والله، شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي”.

نجوم الفن يدعمون ملك زاهر 

كان حرص عدد كبير من نجوم الفن وصناعه على دعم الفنانة الشابة ملك زاهر بعد خروجها من المستشفى ووجهوا لها الدعوات بالشفاء، كما طلب والدها الفنان أحمد زاهر ووالدتها هدى زاهر من الجمهور الدعاء لها بسبب قلقهم الشديد عليها